كيف تحصل علي الدرجة التي تريدها في امتحان الايلتس بكل سهولة

أولاً : ما هو امتحان الايلتس ولماذا هو مهم ؟

الاسم اختصار لجملة International English Language Testing System وترجمتها “نظام اختبار اللغة الإنجليزية الدولي” وهو عبارة عن امتحان لتقييم اللغة الانجليزية لغير النطاقين بها لفحص مقدرة الشخص وتمكنه من اللغة الإنجليزية. ويعتبر أحد أكثر الامتحانات اعتماداً في العالم وخصوصاً في بريطانيا وأستراليا.

ثانياً : انواع امتحان الايلتس؟

امتحان الايلتس نوعين
1- Academic
وده اللى بتعمله عشان تسافر تدرس فى احد الجامعات فى الدول الناطقة بالانجليزية يبقى اذا ده لغرض الدراسة
2- General
وده الاختبار اللى هتخضعله لو هتسافر تشتغل هناك او هتهاجر وبكده ده يكون لغرض العمل او الهجرة فى دولة ناطقة بالانجليزية
★ ملحوظة: مفيش فرق بين اختبار الاستماع والتحدث فى النوعين لكن الفرق موجود فى اختبار القراءة والكتابة وده طبيعى عشان فى واحد بيقيس المهارات الاكاديمية وواحد بيقيس المهارات العامة .

ثالثاً : ما هي درجات امتحان الايلتس؟

• 9 — ممارس خبير (Expert user)
• 8 — ممارس جيد جدا (very good user)
• 7 – ممارس جيد (Good user)
• 6 – ممارس كفأ (competent user)
• 5 — ممارس متواضع (modest user)
• 4 — ممارس محدود (limited user)
• 3 – ممارس بشكل محدود للغاية (extremely limited user)
• 2 – ممارس بشكل متقطع (intermittent user)
• 1 — غير ممارس (non user)
انت لو محتاج الايلتس عشان تدرس في جامعة برة بلدك لازم تدخل علي لينك الجامعة الاول وتشوف هل الامتحان مطوب ولا لا وتشوف ايه هي الدرجة اللي جامعة محتاجاها منك .

رابعاً : الحجز لامتحان الايلتس :-

اللينك ده تقدر من خلاله تعرف الاماكن اللي بيتعمل فيها امتحان الايلتس في بلدك وتقدم من خلاله
من هنا
أو اللينك ده من هنا

خامساً : ما هي مكونات امتحان الايلتس؟

ينقسم امتحان الايلتس إلى 4 أقسام ومدته 2:45 ساعتان وخمس وأربعون دقيقه تتوزع كالأتي:

1- الاستماع Listening :-

مدة الامتحان : عبارة عن 30 دقيقة بالاضافة ل10 دقائق لنقل الاجابة في الورقة. ولا يوجد فرق بين هذا القسم في الايلتس العام والاكاديمي.
بيكون عبارة عن 4 مقاطع صوتية مسجلة لبعض الاشخاص الذي تكون لغتهم الانجليزية هم اللغة الأم او الاصلية ويتم سماعهم مرة واحدة فقط. الامتحان ده بيكون اعتماده علي تقييم قدرتك في فهم الفكار الموجودة ومعرفة الغرض من المحادثات وتفهم رأي كل واحد من المتحدثين
الأسئلة عبارة عن 40 سؤال (تختلف الاسئلة ما بين اختر- وصّل- أكمل- اجب اجابات قصيرة….الخ)
اللينك ده هيعرفك معلومات اكتر وتقدر من خلاله تنزل نماذج عن الاستماع من هنا.
وكمان في الموقع التاني ده من هنا وبصراحة انا شايف انه كويس وممتاز جدا وهيفيدكم كتير في التدريب :

2- القراءة Reading :-

مدة الامتحان 60 دقيقة .
هو عبارة عن ثلاثة مواضيع مختلفة كل موضوع مكون من صفحة واحدة تقريباً تحوي ما مجموعة حوالي 2500 كلمة ، ليجيب الممتحن على 40 سؤالاً لها علاقة بالمواضيع الثلاثة (تختلف الاسئلة ما بين اختر- وصّل- صح أو خطأ- أكمل- اجب اجابات قصيرة.- أسئلة عامة ع القطع…الخ)..والهدف من القسم ده انه يقيس قدرتك في القراءة وفهم معاني الكلمات.اصعب موضوع واكتر واحد عليه درجات هو الثالث عشان كدة انصحك تبدأ بيه. لازم تراعي انك تكتب اجابتك في ورقة الاجابة لانك مش هتلحق تنقلهم بعد كدة
اختبار القراءة في الايلتس الاكاديمي:
عبارة عن 3 نصوص طويلة تقريبا وبتكون مأخوذة من المجلات والكتب علمية والصحف لهذا بتكون مناسبة جدا للناس اللي هتقدم في الدراسة في الجامعات والدراسات العليا والجوانب الاكاديمية والمهنية في الهيئات الدولية. ومن هنا تقدر تلاقي معلومات اكتر عن الجانب ده وتقدر تحمل منه نماذج للاختبار.
أما بالنسبة لاختبار القراءة في الايلتس العام :
هو بيكون فعلا عام وشامل كل حاجة بالنسبة لواحد عايش في بلد اللغة الانجليزية هي لغة البلد دي وبيكون فيه القطع فيه مأخذة من حاجات كتير في الجوانب اليومية مث الكتب والصفح والمجلات والاعلانات. وممكن نعرف اكتر عنه ونحمل نماذج لامتحان الراءة في الايلتس العام من هنا
وفي كمان موقع تقدر تتدرب فيه علي القراءة كل يوم مقالة لمدة شهر من هنا

3- الكتابة Writing :-

مدة الامتحان: 60 دقيقة
يتكون من جزأين، الجزء الأول عبارة عن كتابة 150 كلمة تكون عبارة عن وصف لشكل معين مبين للممتحن (الرسم عادةً ما تكون رسماً بيانيًّا أو رسماً لنسبٍ معينة أو شرحاً لعملية معينة) وهياخد منك في حدود 20 دقيقة. الجزء الثاني من الامتحان هو كتابة موضوع تعبير يتكون من 250 كلمة عن موضوع تم تحديده في ورقة الامتحان وهياخد منك 40 دقيقة عشا طويل.
اختبار القراءة في الايلتس الاكاديمي :
بتكون المواضيع متعلقة ومناسبة لشخص هيقدم علي جامعة او دراسات عليا او او وظيفة في الهيئات الدولية
هتقدر تحمل نماذج ليه وتعرف اكتر من هنا

اختبار الكتابة في الايلتس العام :
هتعرف عنه وتحمل النماذج من هنا

4- التحدث Speaking :-

مدة الاختبار من 11 ال 14 دقيقة
عبارة عن مقابلة شخصية ما بين المتقدم للامتحان والممتحن. يجب على المتقدم للامتحان أن يجيب عن أسئلة الممتحن ويعطي آرائه في موضوع معين. عادة ما يتم تسجيل المقابلة والهدف منه تقييم قدرتك علي استخدام اللغة الانجليزية كلغة تقدررتتعامل بها وكلغة للحوار وبيكون عبارة عن 3 اجزاء.
الجزء الاول : أسئلة عن نفسك وأسرتك وحياتك عموما. (5:4 دقائق)
الجزء الثاني: الممتحن بيطلب منك تتكلم عن موضوع ما ويسيبك دقيقة تحضر للموضوع وبعديها تتكلم عن الموضوع من (2:1 دقيقة) وكمان بيسأك فيه سؤال او سؤالين.
الجزء الثالث: الممتحن بيعمل معاك مناقشة عن الموضوع اللي اتكلمت عنه في الجزء الثاني، أثناء المناقشة متحاولش تغير كلامك عن اللي قولته في الجزء الثاني. (5:4 دقائق)
ممكن تعرف اكتر وتحمل نماذج من عن التحدث من هنا

سادساً : نصائح امتحان الايلتس

1-ممكن تاخد كورس عن حد متخصص في المجال ده بس لازم تتأكد ان درجته هو كانت مش اقل من 7.5 ويكون معاه شهادة بتدريس الايلتس غير كدة انت هتضيع وقت وفلوس.

2-ممكن تذاكر لواحدك وهتلاقي علي النت خطط كتير لمذاكرة الايلتس وهتلاقي ماتيريال كتير لكن احسن حد ممكن يفيدك انكك تذاكر لوحد هو المترجم Michael Youssef عامل خطط كويسة جدا. وده لينك خطة الايلتس بتاعته من هنا وهي كويسة جدا

3-ممكن تشتري الكتب او تحملها pdf بالنسبة للمصريين لو هتشتروا كتب فأحسن حد في الموضوع ده هو Ayman Mohamed Gouda

4- بالنسبة للقراءة اصعب موضوع واكتر واحد عليه درجات هو الثالث عشان كدة انصحك تبدأ بيه. لازم تراعي انك تكتب اجابتك في ورقة الاجابة لانك مش هتلحق تنقلهم بعد كدة.

5-ادخل الاول علي لينك الجامعة اللي هتقدم فيها وضوف هل الامتحان مطلوب ولا لا وشف ايه الدرجة المطلوبة منك.

6-اختبار الايلتس ممكن تاخده اكتر من مرة لو مجبتش الاسكور اللي انت محتاجه او مطلوب منك فعادي متقلقش وكل مرة حاول تطورمن نفسك.

7-مواقع بتقدملك امتحانات ايلتس وتحلها ويقيموا اجابتك عشان تقدر تعرف مستواك
www.IELTS-Exam.net
www.ielts-blog.com
www.goodluckielts.com
www.ielts-simon.com
www.ielts-mentor.com
www.ielts-writing.info
www.ieltsbuddy.com
www.ieltsnetwork.com 

Ayman Mohamed Gouda
4- بالنسبة للقراءة اصعب موضوع واكتر واحد عليه درجات هو الثالث عشان كدة انصحك تبدأ بيه. لازم تراعي انك تكتب اجابتك في ورقة الاجابة لانك مش هتلحق تنقلهم بعد كدة.
5-ادخل الاول علي لينك الجامعة اللي هتقدم فيها وضوف هل الامتحان مطلوب ولا لا وشف ايه الدرجة المطلوبة منك.
6-اختبار الايلتس ممكن تاخده اكتر من مرة لو مجبتش الاسكور اللي انت محتاجه او مطلوب منك فعادي متقلقش وكل مرة حاول تطورمن نفسك.
7-مواقع بتقدملك امتحانات ايلتس وتحلها ويقيموا اجابتك عشان تقدر تعرف مستواك
www.IELTS-Exam.net
www.ielts-blog.com
www.goodluckielts.com
www.ielts-simon.com
www.ielts-mentor.com
www.ielts-writing.info
www.ieltsbuddy.com
www.ieltsnetwork.com 

لو فاتك مقال التوفل تقدر تشوفه من هنا