تطوع

التطوع والسفر مع منظمة ايزيك AIESEC العالمية

التطوع مع ايزيك

منظمة ايزيك

ايزيك او AIESEC هي عبارة عن منظمة عالمية كبيرة جدا وهي اختصار لحاجة اسمها الرابطة الدولية للطلاب للاقتصاد والأعمال

يعني هي منظمة عالمية كبير للشباب تعمل علي تطوير القدرات الريادية ليهم من خلال برنامج الريادة الداخلية وتشرك الطلاب والخريجيين في البرامج التدريبية والتبادل الطلابي العالمي للمنظمات الربحية والغير ربحية. مقرها الرئيسي موجود في روتردام هولندا .

تعتبر ايزيك AIESEC هي اكبر منظمة طلابية موجودة علي مستوي العالم هتساعدك بشكل كبير انك تطور مهاراتك وتكتسب خبرات كتير جدا في مجالات كتير زي :-

  • HR
  • PR
  • الماركتينج

ايه هي برامج ايزيك AIESEC

ايزيك فيها 3 برامج هم

  • Global volunteer
  • Global Talent
  • Global entrepreneur

هنتكلم هنا عن التطوع والسفر مع ايزيك اللي هو اول برنامج وده بيكون برنامج اسمه global volunteer وده بيكون للناس الي سنهم ما بين 18 لحد 30 سنة بس يكون بيعرف لغية انجليزية كويسة وده عشان يقدر يتعامل مع الثقافات والجنسيات والعقليات المختلفة.

والمشاريع الموجودة في جزء التطوع ده بتكون مساهمة في حاجة اسمها Sustainable development goals  وده بيكون للأمم المتحدة من امثلة لمشاريع دي تعليم الاطفال والقضاء علي المجاعات وتقديم المساعدة في انك تعلم غير المتعلمين والقضاء علي الفقر والمساهة في القضاء علي الامراض والأوبئة وهكذا من الأنشطة دي.

بيكون كمان في تبادل ثقافي وده هو اللي بيساعدك تتعرف علي ثقافة الدولة اللي انت فيها وثقافة المتطوعين الموجودين معك في المشروع اللي انت متطوع فيه

ايه هي مدة التطوع مع ايزيك AIESEC

مدة التطوع في المشاريع بتكون ما بين 6 حتي 12 اسبوع

مميزت السفر مع ايزيك عن غيرها من المنظمات

1- اول حاجة ايزيك بتوفرلك خطاب دعوة ليك للبلد اللي انت هتروح تتطوع فيها وده ميزة كويسة انها بتفيدك شوية في اجراءات الفيزا وهتسهل عليك جدا ودي ميزة في ايزك مش عند غيرها.

2- تاني حاجة انك بتسافر مع اسم كبير ومعروف يعني مفيش خوف ده في حالة الناس اللي اهلهم بيرفضوا سفر اولادهم لكن انت مع ايزيك بتسافر تبع منظمة كبيرة مش بتكون لوحدك بيكون معاك ناس من كل الجنسيات والثقافات.

3- من خلال السفر انت بتقدر تكون اصدقاء كتير من دول مختلفة ده بيوسع دائرة علاقاتك بشكل كبي رجدا.

4- انت بتزور اماكن وبتعمل سياحة في دولة عمرك ما كونت تتخيل انك تزور الاماكن دي او تروح الدولة دي وتعرف ناسها وشعبها بيفكروا ازاي وعايشين ازاي.

5- الناس اللي بيكونوا معاك من ايزيك وبيساعدوك بيكونوا شباب زيك زيهم يعني في قابلية انك تتكلم معاهم ويساعدوك في اي حاجة تقف قدامك.

6- هم مش بيسيبوك لوحك خالص انت بيكون معاك المسؤلين في ايزيك بلدك والمسؤلين من البلد اللي انت رايحها وده بيفيدك جدا انت تستفيد من خبرات الكل.

7- ايزيك تقريبا في المعظم هي اللي بتتكفل بالاقامة بتاعتك والسكن اما بيكون مع عيلة بتستضيفك في بيتها او مع غرفة مشتركة مع الناس االلي معاك في المشروع.

8- وجودك مع ايزيك دي فرصة بتقوي ال CV بتاعك انك دخلت منطمة زي ايزيك واشتغلت معاك فأكيد عندك خبرة في التعامل مع الناس بشكل كويس.

حاجات لازم تاخد بالك منها كويس جدا

1لازم تعرف ان مسافر عمل تطوعي يعني اكيد مش رايح تسمتع بنسبة مية في المية بالسفر.

لازم تعرف ان الاقامة بتختلف في الاسرة اللي هتستضيفك من اسرة لاسرة لان هتلاقي اسرة بتستضيفك وتكرمك كوييس جدا وهتلاقي اسرة ليهها قوانين في البيت فلازم تسأل عن الاقامة بتاعتك كويس جدا.

يكون معاك طرق التواصل الخاصة بمعظم الناس اللي في ايزيك من بلدك بحيث لو في اي مشكلة تقدر تتواصل معاهم كلهم او اللي تقدر توصل ليه منهم عشان مشكلتك تتحل بسرعة.

لازم تعرف انك مسافر عمل تطوعي فانت بيكون عليك تذاكر الطيران والفيزا وبتدفع مبلغ قدره 1800 جنية ده بيكون قيمة التعاقد مع ايزيك.

في العمل التطوعي انت مسافر فيها نسبة فقر او امية او جوع فأنت لازم تعرف انك رايح تساعد البلاد والناس اللي فيها .

طريقة التقديم

ادخل علي الموقع الرسمي للايزيك من هنا  وهتسجل عليه وتعمل ايميل وبعد كدة تدخل تشوف المشاريع وتشوف اللي يناسبك منها وتقدم عليه وتكمل الابليكشن كويس جدا وبعدها هيكلمك حد من ايزيك يتواصل معاك ويشرحلك المطلوب منك كويس جدا وانت تقدر تسأله وتستفسر منه عن اي حاجة عايز تعرفها

الموقع الرسمي للايزيك من هنا

للمزيد من فرص التطوع من هنا

السابق
تدريب Virtual Exchange للموظفين الشباب مقدم من ايراسموس
التالي
منحة دراسية ممولة بالكامل لمدة عام في امريكا لطلاب اعدادي وثانوي
شاهد أيضاً

اترك تعليقاً