الفريلانس مصطلح انجليزي معناه العمل الحر يعني بتشتغل لحسابك لوحدك
دلوقتي تشتغل من علي الانترنت في بيتك بقي قي الطريق او غيره الفكرة فيه انك يكون عندك حرفة معينة تقدر انك انت تقدمها عن طريق الانترنت
عناصر الفريلانس
عندنا هنا تلات حاجات
مواقع الفريلانس وده الوسيط بين الراجل الفريلانسر ده وبين العميل
الفريلانسر انت
والعميل اللي هو محتاج منك الخدمة
كيف تختار المجال المناسب لك في الفريلانس
عشان تشتغل لازم تعمل خطة مبدأية لنفسك تشتغل عليها يعني
لو مش عارف تختار المجال اللي هتشتغل عليه
اول شهر هتختار 4 مجالات انت حاسس انك تقدر تشتغلها كل مجال بقي تقرأ عنه بتمعن وتعرف عنه كل اللي تقدر عليه لمدة اسبوع لحد ما تخلص الشهر في الاربع مجالات بعدة تيجي مع نفسك بقي وتقول اي مجال فيهم انا هقدر استحمله واسد فيه لان انت اللي بتحدد الوقت اللي هتشتغ بيه والمكان وكل حاجة فمهم جدا تقرأ عن كذا مجال وتختار مجال انت هتستحمله وتستحمل صعوباته وتكون حابب انك تطور من نفسك فيه
اول حاجة من عوامل الظهور انك تدخل علي المواقع دي باسمرار عشان يتعرف انك نشيط والعميل اللي يشوفك يعرف انك متاح وتقدر تعمل الخدمة
تاني حاجة الوصف بتاع الخدمة لازم يكون مفصل وبتذكر فيه اجابات الأسئلة اللي المحتمل ان العميل يسألها
مواقع الفريلانس
في عندنا 5 مواقع 2 بالعربي و3 انجليزي
هنقسمهم برضو حسب الشغل في مواقع للخدمات الصغيرة ومواقع للخدمات الكبيرة
- اول موقع خمسات ولانك بتقدم الخدمة بخمسة دولار
- الموقع التاني fiverr
نفس فكرة خمسات بس بالانجلش ويعتبر افضل شوية من خمسات لانه انترناشونال
الموقعين دول هم البداية اللي المفروض نبدأ لو هتشتغل تبدأ بيهم
فالاول كدة في شوية نصائح للي هيدخل مجال الفريلانس ده
- اول حاجة انك تكون مؤهل للخدمة اللي هتبيعها لأن في الشغل ده السي في بتاعك مش انت اللي بتكتبه لكن بيكتبه العملاء عن طريق التقييم اللي هو هديهولك لو انت بتسلم شغل كويس وفي معاده لأن العميل بيدخل عندك يشوف رأي الناس فيك ايه عشان يبدأ يشتغل معاك ولا لا
- تاني حاجة مش هينفع تنتقل من المواقع الصغيرة للمواقع الكبيرة مرة واحدة لكن يفضل تبيع علي الاقل 50 خدمة علي المواقع الصغيرة دي عشان تاخد خبرة في المجال وتفهم الشغل كويس
المواقع الكبيرة في الفريلانس
المواقع الكبيرة منهم واحد عربي واتنين انجليزي
اول موقع اسمه مستقل
الموقعين التانين الاجنبين
اول واحد موقع freelancer
تاني موقع upwork
المواقع دي ليها طريقة عمل
يعني بتشوف البييدنج يعني بيبقي في حاجة وانت بتقدم عرضك عليها
وتكتب اسمها بروبوزال يعني طلب تقديم المشروع فانت بتكلم العميل وتعرضله خطة عملك وخطة زمانية كاملة وهتقدمله في وقت معين وهكذا وتكن منظم عذان مش يحس انك عشوائي فمش هيهتم بيك
استقبال الأموالتحويل الفلوس في الفريلانس
تعمل حساب علي بايبال
وبعد كدة تعمل حساب علي بايونير
الاتنين عبارة عن بنك الكتروني بتقدر تربط بايبال بتاعك وتربطه علي الموقع عشان تقدر تستقبل عليه الفلوس وبتعمل حساب علي بايونير بيديك حساب بنكي الكتروني امريكي وتربط حساب ابيبال بحساب بايونير والبنك بتاع بتاع بايونير هيبعتلك الفيزا مجاني او احيانا بيحتاج يكون في حسابك 30 دولار او تقدر انك تربط بايبال بكارت البريد المصري ايزي باي
ملحوظة
لازم تخلي بلك انك قبل ما تبدأ اي مجال تكون متمكن من اداء الخدمة اللي انت هتقدمها عشان تتجنب باد ريفيو لانك لو قدمت الشغل بطريقة وحشة وعدم احترافية مش هتاخد خمس نجوم وبالتالي الاكونت بتاعك هيبوظ ومحدش هيتعامل معاك لان في عندك
ملاحظات سيئة
نصائح هام قبل البدء في الفريلانس
- شوية حاجات لازم تخلي بالك منها قبل ما تبدأ في مجال الفريلانس
- متسيبش وظيفتك
- متسيبش دراستك
- لو هتبدأ فريلانسر ساعة ساعتين في اليوم لحد ما يوصل دخلك منه ضعف ضعف دخل الوظيفة فتقدر براحتك تسيبها لو عايز بس مش شرط يعني انك تسيب الوظيفة
- تستثمر نفسك تتطور نفسك في المجال اللي بتشتغل فيه عشان
- صعب تستخدم الموبايل في الشغل ده ممكن تستخدنه في انك ترد علي الناس بس صعب للشغل
